Straumur vill leggja sitt af mörkum til að stuðla að betra jafnvægi milli vinnu og einkalífs starfsfólks með auknum sveigjanleika sem fjarvinna býður upp á. Fjarvinna getur í einhverjum tilvikum veitt starfsfólki svigrúm til betri einbeitingar og vinnunæðis. Fjarvinnustefnan er einnig leið til að styðja við stefnu Straums í umhverfis- og samgöngumálum og draga úr kolefnisfótspori með því að fækka ferðum starfsfólks til og frá vinnustað, auk þess að draga úr þörf á bílastæðum.
Almennt er gert ráð fyrir að starfsfólk sinni verkefnum sínum á starfsstöð en fjarvinna er í boði fyrir starfsfólk þar sem verkefnin leyfa og er fyrirkomulag hennar útfært á hverju sviði fyrir sig í samráði við næsta yfirmann. Fjarvinnufyrirkomulag nær til allra starfa sem mögulegt er að sinna í fjarvinnu.
Miðað er við að starfsfólk geti almennt unnið einn dag í viku í fjarvinnu. Til að viðhalda góðri vinnustaðarmenningu og tryggja upplýsingamiðlun og samvinnu innan teyma er miðað við að einn dag í viku séu sem flestir í teyminu á vinnustaðnum og því ekki æskilegt að fjarvinna sé skipulögð þá daga.
Skipulag fjarvinnu og vinnuaðstöðu er stöðugt í þróun og mikilvægt að starfsfólk vinni saman í teymum bæði innan sviða og þvert á svið, deili verkefnaábyrgð og tryggi þannig góðan samvinnuanda og árangur í starfi.
Þjónustuver Straums er opið alla virka daga 9 – 16